Mahigit 400 trainees ang sasailalim sa pagsasanay para maging PCG Commissioned Officers sa Regional Training Center sa Bagac, Bataan.

Pinangunahan ni Philippine Coast Guard (PCG) Commandant, CG Admiral Artemio M Abu ang kanilang CONVENING CEREMONY sa National Headquarters, Port Area, Manila kahapon, ika-02 ng Mayo 2022.

Sa kanyang mensahe, hinimok ni CG Admiral Abu ang mga trainees na patuloy na palakasin ang kanilang pangangatawan at isipan, hasain ang kanilang leadership skills, at pagtibayin ang kanilang pananampalataya sa Diyos.

Binubuo ng 313 trainees ang Coast Guard Officer's Course (CGOC) Class 28 – 2022 “Bravo” na kinabibilangan ng mga sibilyan at PCG enlisted personnel na bachelor's degree holders.

Ang CGOC Class 28 – 2022 “Charlie” naman na mayroong 109 na trainees na binubuo ng mga pari, Imam, medical technologist, psychiatrist, pharmacist, veterinarian, medical laboratory specialist, therapist, respiratory therapist, at physical therapist.

Samantala, 10 graduates ng Maritime Academy of Asia and the Pacific (MAAP) at 1 graduate naman ng Philippine Merchant Marine Academy (PMMA) ang bahagi ng CGOC Class 29 – 2022 “Alpha.”

Bago ang convening ceremony, sumalang ang mga trainees sa MEDICAL EVALUATION AT HEALTH ASSESSMENT para siguruhing handa ang kanilang pangangatawan sa mga pagsasanay sa loob ng training center.

Nakibahagi rin sa naturang seremonya sila Deputy Commandant for Operations, CG Vice Admiral Eduardo Fabricante; Deputy Commandant for Administration, CG Vice Admiral Rolando Lizor Punzalan Jr; Commander ng Coast Guard Education, Training, and Doctrine Command, CG Commodore Eustacio Nimrod Enriquez Jr, Commander ng Coast Guard Human Resource Management Command, CG Commodore Ramon Lopez; Chief of Coast Guard Staff, CG Commodore Tito Alvin Andal; at iba pang PCG senior officers.