Magbibigay ng 𝐋𝐈𝐁𝐑𝐄𝐍𝐆 𝐒𝐀𝐊𝐀𝐘 𝐏𝐀𝐑𝐀 𝐒𝐀 𝐌𝐆𝐀 𝐄𝐒𝐓𝐔𝐃𝐘𝐀𝐍𝐓𝐄 ang Philippine Coast Guard (PCG) sa unang araw ng klase bukas, ika-22 ng Agosto 2022.

Ayon kay PCG Commandant, CG Admiral Artemio M Abu, dalawa hanggang tatlong Coast Guard buses ang i-de-deploy mula 𝟎𝟔:𝟎𝟎 𝐚.𝐦. – 𝟎𝟗:𝟎𝟎 𝐚.𝐦. 𝐚𝐭 𝟎𝟒:𝟎𝟎 𝐩.𝐦. –  𝟎𝟕:𝟎𝟎 𝐩.𝐦. para maserbisyuhan ang mga estudyante sa Quezon City at Maynila.

Mula 𝐐𝐮𝐞𝐳𝐨𝐧 𝐂𝐢𝐭𝐲 𝐇𝐚𝐥𝐥, bibiyahe ang mga Coast Guard buses para magsakay ng mga pasahero papuntang 𝐔𝐧𝐢𝐯𝐞𝐫𝐬𝐢𝐭𝐲 𝐁𝐞𝐥𝐭 sa 𝐄𝐬𝐩𝐚𝐧̃𝐚, 𝐌𝐚𝐲𝐧𝐢𝐥𝐚. Iikot din ang mga sasakyan sa 𝐋𝐮𝐧𝐞𝐭𝐚 𝐏𝐚𝐫𝐤 bago bumalik sa 𝐐𝐮𝐞𝐳𝐨𝐧 𝐂𝐢𝐭𝐲.

“Simpleng tulong natin ito sa mga estudyante sa pagsisimula ng School Year 2022-2023. Ramdam natin ang hirap na buhay ngayon dahil sa patuloy na pagtaas ng pamasahe. Kaya sa inisiyatibong ito, gusto natin na kahit papaano’y masuportahan ang mga kabataan sa pagbabawas ng gastusin sa unang araw ng klase,” ani CG Admiral Abu.

Paalala ng Komandante sa mga estudyanteng sasakay ng Coast Guard buses, panatiliin ang pagsusuot ng face mask at laging magdala ng alcohol para maprotektahan ang kanilang sarili sa banta ng COVID-19.