Pinag-iingat ng Philippine Coast Guard (PCG) ang mga aplikante nito laban sa mga taong nagpapakilala bilang “fixer” para masiguro ang kanilang pagpasok sa serbisyo.

Bandang 06:00 p.m. kahapon, ika-10 ng Oktubre 2022, nagsagawa ng joint entrapment operation ang mga otoridad laban sa isang nagngangalang 𝐏𝐫𝐢𝐧𝐜𝐞𝐬𝐬 𝐒𝐚𝐧𝐝𝐫𝐚 𝐌𝐚𝐜𝐚𝐩𝐞𝐠𝐞𝐬 𝐨 𝐦𝐚𝐬 𝐤𝐢𝐥𝐚𝐥𝐚 𝐛𝐢𝐥𝐚𝐧𝐠 “𝐏𝐫𝐢𝐧𝐜𝐞𝐬𝐬” na lumalapit sa mga aplikante para makakuha ng pera kapalit ang pangakong makakapasok sila bilang miyembro ng PCG.

Pagdating ng mga otoridad sa isang mall sa Parañaque City, nahuli ang isang nagngangalang Sherhana Hatae na napag-utusan ni Princess na tumanggap ng pera mula sa mga aplikante.

Nagpakilala ang mga operatiba kay Sherhana at ipinaalam sa kanya ang rason ng naturang entrapment operation.

Ngayong araw, ika-11 ng Oktubre 2022, nagpapatuloy ang mga operatiba sa paghahanap kay Princess na sinasabing nananatili sa isang condominium sa Parañaque City.

---

𝐔𝐏𝐃𝐀𝐓𝐄: Ayon sa Deputy Chief of Coast Guard Staff for Intelligence, CG-2, agad ding naaresto sa Princess, ilang oras matapos maaresto si Sherhana kagabi, ika-10 ng Oktubre 2022.

###