Kabilang ang isang buntis na ina at isang sanggol sa mga inilikas ng Philippine Coast Guard (PCG) sa kasagsagan ng baha sa Barangay Hulong Duhat na matatagpuan sa ilalim ng Malabon Bridge ngayong hapon, ika-23 ng Hulyo 2025.

Inihatid sila sa Malabon City National High School na nagsisilbi bilang evacuation ng syudad.

Isinailalim sa medical evacuation ang mga evacuees, lalo na ang mga senior citizen, buntis, sanggol, at mga kabataan, upang mabantayan ang kanilang kalusugan ngayong panahon ng tag-ulan.