Katuwang ang Philippine Coast Guard (PCG) sa paglikas ng humigit kumulang 40 residente sa Sitio Perlas Dipa, Barangay Canubing II, Calapan City, Oriental Mindoro, kahapon, ika-24 ng Hulyo 2025.

Nagpapatuloy ang malakas na ulan at malawakang pagbaha sa lugar dahil sa sama ng panahon. Nakibahagi rin sa naturang operasyon ang Philippine National Police – Maritime Group, MDRRMO Baco, at CDRRMO Calapan.