'Yan ang pangako ng Philippine Coast Guard (PCG) sa sambayanang Pilipino.

Sa pakikipagtulungan ng mga ahensya ng gobyerno at pribadong organisasyon, umabot sa humigit kumulang 100 tonelada ng relief supplies ang inihatid ng PCG sa mga apektadong komunidad sa Surigao del Norte at Surigao del Sur noong nakaraang linggo.

Liban sa BRP Gabriela Silang (OPV-8301) at BRP Malapascua (MRRV-4403), ginamit din ng PCG ang malalaking sasakyan nito tulad ng boom truck at bus para masigurong agad na matatanggap ng mga residente ang mga donasyon tulad ng purified drinking water, bigas, delata, toiletries, gamot, at iba pang pangangailangan para sa kanilang mabilis na pagbangon sa pananalasa ng Bagyong #AuringPH.